ލޯދުށުން މައެދެނީ
ލޯދުށުން އަބަދު މައެދެނީ ތިޔަމޫނޭ އިނގޭ
ފެންނަހިނދުގައި ކަލާ ކައިރިން މިހިތް އަވަސްވޭ
އިނގޭ
މިހިތަކުން ކަލާގެ ލޯތްބެއް ނުފޮހެމޭ އިނގޭ
ތިޔަ ހަނދާނުގައި ރޭދުވާ
އަބަދު ކުރަމޭ އިނގޭ
މިހިތުގައި ވިންދު ވާހެން ލިބުމަށް ތިބާ އެދެމޭ
ތިޔަ ލޯތްބަށް މިއަދުވެސް އިންތިޒާރު ކުރަމޭ އިނގޭ
ނިދިން ދެލޯ މަރާލަނީ ތިބާ ދުށުމަށް އިނގޭ
ބީވެދިޔަ ފުން ހަނދާންތަކުން މިހިތް ފުރުމަށް އިނގޭ
ފުންޚިޔާލުގައި ރޭދުވާ އަބަދު
ތިޔަލޯބިން ކުރަމޭ
ތިހިތަށް ދެވުނު އަނިޔާއިން ކަރުނަ އޮހޮރަމުން އިނގޭ
ކަރުނުން ދެލޯފުރެނީ ކުރާ އަސަރުން އިނގޭ
ތިޔަ ލޯތްބާއި ނުލައި
ވަނީ ދިރިއުޅުން ވޭނަކަށް އިނގޭ
ހިތުގެ އަޑިން މަޢާފަށް ތިބާގެ
އަރިހުން އެދެމޭ
ކުރެވުނު ކުށަށް
އިންތިހާޔަށް ހިތާމަ ކުރަމުން އިނގޭ
އުފަލުގައި ތިބާވުމަށް އަބަދު މިހިތުން އެދެމޭ
ވޭނާއި ހިތާމައިން ޙަޔާތް
ތިބާގެ ފިއްލެވުން އިނގޭ
ބޭނުމީ ޖަންނަތުން ތިޔަލޯބި ލިބުމަށް އިނގޭ
ތިޔަ ދާނުގައި
ލޯމަރާލުމަށް އަބަދުގެ އަބަދަށް އިނގޭ
ނުލިބުނަސް މަޢާފު
ތިބާގެ އަރިހުން ތެދޭ
ފަހުނޭވާގައިވެސް އެދެނީ
ދުށުމަށް ތިޔަ މޫނޭ އިނގޭ
A forlorn girl, distress from her past love, realize the truth of that love, trying to seek forgiveness and retrieve her true love back.
ReplyDelete