Loa Dhushun Maedhenee

ލޯދުށުން މައެދެނީ 

               ލޯދުށުން އަބަދު  މައެދެނީ  ތިޔަމޫނޭ  އިނގޭ

                           ފެންނަހިނދުގައި ކަލާ ކައިރިން މިހިތް އަވަސްވޭ އިނގޭ

               މިހިތަކުން ކަލާގެ  ލޯތްބެއް  ނުފޮހެމޭ  އިނގޭ

                           ތިޔަ  ހަނދާނުގައި  ރޭދުވާ  އަބަދު  ކުރަމޭ  އިނގޭ

               މިހިތުގައި ވިންދު ވާހެން  ލިބުމަށް ތިބާ އެދެމޭ

                           ތިޔަ ލޯތްބަށް މިއަދުވެސް  އިންތިޒާރު  ކުރަމޭ އިނގޭ

               ނިދިން ދެލޯ މަރާލަނީ  ތިބާ ދުށުމަށް  އިނގޭ

                           ބީވެދިޔަ ފުން ހަނދާންތަކުން  މިހިތް ފުރުމަށް އިނގޭ

               ފުންޚިޔާލުގައި ރޭދުވާ އަބަދު ތިޔަލޯބިން ކުރަމޭ

                           ތިހިތަށް ދެވުނު އަނިޔާއިން  ކަރުނަ އޮހޮރަމުން އިނގޭ

               ކަރުނުން ދެލޯފުރެނީ  ކުރާ އަސަރުން  އިނގޭ

                           ތިޔަ ލޯތްބާއި ނުލައި ވަނީ ދިރިއުޅުން ވޭނަކަށް އިނގޭ

               ހިތުގެ އަޑިން މަޢާފަށް ތިބާގެ އަރިހުން އެދެމޭ

                           ކުރެވުނު ކުށަށް އިންތިހާޔަށް  ހިތާމަ ކުރަމުން އިނގޭ

               އުފަލުގައި ތިބާވުމަށް  އަބަދު މިހިތުން އެދެމޭ

                           ވޭނާއި ހިތާމައިން  ޙަޔާތް  ތިބާގެ ފިއްލެވުން އިނގޭ

               ބޭނުމީ ޖަންނަތުން  ތިޔަލޯބި ލިބުމަށް އިނގޭ

                           ތިޔަ ދާނުގައި ލޯމަރާލުމަށް  އަބަދުގެ އަބަދަށް އިނގޭ

               ނުލިބުނަސް  މަޢާފު  ތިބާގެ އަރިހުން  ތެދޭ

                  ފަހުނޭވާގައިވެސް އެދެނީ  ދުށުމަށް ތިޔަ މޫނޭ އިނގޭ      

         

Mammaa

މަންމާ 

          ފެވެޔޭ ހަނދާން މިހިތުގައި ނިކަން ވެވުމުން ތިޔަހަނދާން މަންމާ

                         ނިޔަނެތިވި ލޯބީގެ އެފިރުމުންތައް  ކުރުމުން އިޙުސާސު މަންމާ

          މެރެޔޭ ދެލޯ އަސަރުން ނިކަން  ފުރިގެން ދެލޯ ފުން ކަރުނައިން  

                         ފެނުމުން މައިންގެ އޯގާތެރިކަން  ދަރީނަށް  އެމީހުންގެ މަންމާ

          ޖެހެޔޭ ހިތުގައި ނުދެވުމުން ނިކަން ދެއްކި ސީދާ ތެދުވެރި މަގުން

                         ދެވުމުން ފުރަގަސް އެނަސޭޙަތްތަކަށް ދިން ޢަދަދެއްނުވާ މަންމާ

          ކުރެޔޭ އިޙުސާސު ފަޅުކަން ނިކަން ނެތުމުން ކައިރީގައި ފެންނަން

                         ނިދުމުން ދިން އެލޯބި ފިރުމުންތައް  ވުމުން ބޭނުންއަދު މަންމާ

          ފުރެޔޭ ދެލޯ ކަރުނުން ނިކަން އައުމުން ހިތަށް މަންމަގެ ހަނދާން

                         ވެވުމުން ހަނދާން އެރަން ވަގުތުތައް އުފަލުން ކުރިމަޖާ މަންމާ  

          އެޅެޔޭ ހިތުގައި ކޫރުން ނިކަން  ދެވުނު ހިތިކަމާއި  ކަރުނަތަކުން

                         ފޮހިގެން ނުދާނެޔޭ އެއަސަރުތައް  ޒަމާން އެތައްވިޔަސް މަންމާ

          ވެވެޔޭ ޖަމާ ހިތި ކަރުނުން ނިކަން  ފުރިގެން ދެލޯ ފުންއަސަރުން

                         ފެވުމުން މާޒީގެ އެކަޅު ސޮފްޙާތައް  އައުމުން ހަނދާން މަންމާ 

          އެދެޔޭ އަބަދަށް މިހިތް ނިކަން  ވުމަށް ކައިރީގައި އަބަދުމެ އުޅުން

                         ނިމިގެން ނުދާނޭ ވަގުތު ހޭދަކުރުމަށް އެކުގައި އަހަރެން މަންމާ

          ފެނެޔޭ މެރުމުން ދެލޯ ނިކަން އަބަދުމެ މަންމަގެ ހަނދާން ފެށުމުން

                         އަސަރުން ދެލޯ ތެމެނީ ކަރުނުން  ކުރުމުން ހުވަފެނުން މަންމާ

          އެދެޔޭ ވުމަށް ޖަންނަތުން ނިކަން  އެކުގައި މަންމަޔާއިއެކު އުޅުން

                އެދިގެން ބޭނުމީ އަބަދުމެ ލިބުމަށް  އެޙަޔާތް  އެކުގައި މަންމާ  

Huvafen

ހުވަފެން 

           ކުރަނީ އަސަރު ކީއްވެހޭ މިހިތަށް  ފެނުމުން  ކަލާ  ހުވަފެނުން

                          ތިޔަސޫރަމެ އަބަދުހެން ފެންނަނީ  މެރުމުން  ދެލޯ ހުވަފެނުން

           މަރަނީ ދެލޯ އަޅާ ވޭނުން ނިކަން  ނިދުމުން ކަލާ  ސިފަވުމުން  

                          ލިބިދޭ ވޭނަށް ކެތްނުވެޔޭ  ވެވުމުން ތިޔަ ހަނދާން ހުވަފެނުން

           ފަވަނީ މާޒީގެ ފޮނިފުން ހަނދާންތައް  އަކުރުގެ ރަން ގަލަމަކުން

                          އަހަރުއެތައްވީ ފުން އިޙުސާސްތައް ކުރަނީ ފެނުމުން ހުވަފެނުން

           ކުރަމޭ ސުވާލު މިހިތާއި ޝަކުވާއިން ފެނެނީ ކީއްވެހޭ އަބަދުހެން

                          ކުރަނީ އުނދަގޫ އެހަނދާންތަކުން ފެނުމުން އެކަން ހުވަފެނުން

           ކަރަނީ ދެލޯ ހިތަށްކުރާ އަސަރުން ވެވުމުން ޖަމާ ހިތިކަރުނައިން

                          އަޅަނީ ވޭން އޭރުދެވުނު އަނިޔާއިން އައުމުން ތިބާ ހުވަފެނުން

           ތަޅަނީ ހިތުގައި ރަން މިޔުޒިކުން ނަށަމުން ލޯބީގެ އާ ލަވަޔަކުން

                          ފެވެނީ ލެއިން ހިތުގައި ކުރުވަމުން އިޙުސާސު ލޯބި ހުވަފެނުން

           ނިދަނީ ވިސްނެމުން ތިބާގެ މަތިން ދުށުން އެދެމުން ހިތުގެއަޑިން   

                          ނުވެ ބޭނުންހުރެ ފުރުމަށް ތިލޯބިން މިހިތް ތިބާއެކު ހުވަފެނުން

           ކުރަނީ ރޭދުވާ ހޭދަ ވިސްނަމުން ފުންމާޒީގެ ފޮނި ހަނދާންތަކުން   

                          ފޮޅެނީހިތް ނޭނގޭ ޖަޒުބާތަކުން ކުރުމުން އިޙުސާސު ހުވަފެނުން

           އަޅަނީ ހާރު ލޯބީގެ ރަންބޮޅުތަކުން ފެވިގެންވީ ލޯބީގެ ހަދިޔާއަކުން

                          ފޮހިގެންނުދާނޭ އެރަން ވަގުތުތައް ކުރިހޭދަ ތިބާއެކު ހުވަފެނުން

           މަރަނީ ދެލޯ ބޭނުންވެގެން މިހާރު ކުރުމުން އިޙުސާސު ލޯބީގެފުން

                          ދުށުމަށްއެދެނީ ތިބާ އަބަދުހެން ފަހުނޭވަޔާ ހަމަޔަށް ހުވަފެނުން